آخـــر الـــمـــشـــاركــــات

النتائج 1 إلى 6 من 6

الموضوع: قصيدة جزائرية:هكدا فهمت الحب

  1. #1
    نجم لامع
    تاريخ التسجيل
    Nov 2006
    الدولة
    Boumerdes
    المشاركات
    209

    افتراضي قصيدة جزائرية:هكدا فهمت الحب

    السلام عليكم
    هي قصيدة باللهجة الجزائرية للشاعر الجزائري الشاب "فيصل" منقولة من حصته"قصة وقصيد"
    [poem=font="Simplified Arabic,5,darkblue,normal,normal" bkcolor="skyblue" bkimage="" border="double,5,blue" type=1 line=0 align=center use=ex num="0,black"]
    يا للي سألتني عن الحب = و قلتلي بالله خويا وعلاه
    ما تحاولش كاش ما تكتب = وتقولي برك وين نلقاه
    عييت نقلب شرق و غرب = وين يقولولي نستناه
    لقيتو كامل كذب في كذب = ما تلاقيتو ماعرفت معناه
    لا قريب و لا صاحب = و لا حبيب نعيش معاه
    حياتي كامل و أنا نجرب = واحد ما لقيتو يسواه
    مانيش فاهم هذا القلب = و كأنه ضد مولاه
    يحب يشقى يحب يتعذب = يحب الواحد لي ينساه
    و ساعات تلقاني نحب = لي يكرهني نجري موراه
    و لي يحبني و ليا يقرب = نهرب عليه مافهمتش علاه
    حاول خويا كاش ماتكتب = الجواب راني نستناه
    راح نحاول باش نجاوب = و ماراكش وحدك حاصل لله
    هو الحب هكذا يحب = يجري و يطوع مولاه
    مايفيدوش معاه تجارب = ما يفيد ملك و لا جاه
    شحال طوع من محارب = و حسرة شحال من فارس بكاه
    و جيت لعندي أنا نجاوب = و الله ماراني فاهم علاه
    راح نديرلك واش راك تطلب = على ما نظن و العلم لله
    أنت قلبك راه مخرب = و ما راكش عارف حتى وين راه
    دير في بالك هذاك الحب = لي يهرب و أنت تجري موراه
    و لما يجري و أنت تهرب = عمرك ماتقعد معاه
    على خاطر هذا لعب = مديور للي يتبع هواه
    ما تنال منو غير التعب = ديرو كيما خيالك و انساه
    فرغ قلبك و عاود رتب = و خلي عقلك يخدم معاه
    و قبل ما تحب لازم تحسب = باش كي تمدو تمدو لمولاه
    هيا نبداو من أول حب = ….أول حب هو الله
    لي عطاك هذاك القلب = لي راك تحوس باش تملاه
    و لوكان ليه تقرب = أقرب منك رايح تلقاه
    ماشي كيما الحب لي يهرب = و انت تبقى تجري موراه
    و بعده يجي ثاني حب = هو حبيبنا و حبيب الله
    عليه الصلاة و السلام تعب = باش وفرلك الدين تقراه
    حبو علي و عليك واجب = سعدو المرء للي بغاه
    المرء يحشر مع من يحب = تخيل روحك قاعد معاه
    و من بعد ثالث حب = أنه الواحد يحب يماه
    تسع شهور و هو يتقلب = و هي مسكينة تتقلب معاه
    سنين و سنين و هي تتعذب = وين يطيح يلقاها حداه
    حتى نهار يولي شايب = يبقى طفل في عيون يماه
    و من بعدها رابع حب = أنو الواحد يحب باباه
    لأنه خرج من بين الصلب = و الترائب لي جواه
    شحال شقا و شحال تعذب = باش كبر و باش رباه
    دير في بالك كل ما تمد = أنت و مالك ملك له
    و من بعد خامس حب = هو الشريك لي تعيش معاه
    دير في بالك نهار تتحاسب = نصف الدين هو تلقاه
    تعيش معاه بلي كتب = و تتقاسمو كل شي نتا وياه
    و تتعاشرو و معاه تنجب = طفل صغير لعقايب تلقاه
    و هذاك الطفل سادس حب = ماتحبش ولد دون سواه
    سبعة داعب و سبعة أتعب = و سبعة صاحب دور معاه
    و من بعد يجي سابع حب = من رحم واحد نتا وياه
    خوك خوك لايغرك صاحب = حتى الصاحب في الشدة تلقاه
    و من بعد الصاحب الأقارب = و الجار لي تسكن حداه
    و من بعدهم تقدر تحب = كل مومن في طريقك تلقاه
    و المريض لي راه يتعذب = دقيقة واحدةاقسمها معاه
    طل عليه إذا كان تحب = ربي سبحانه ثم تلقاه
    و اليتيم لي فقد الأب = ولا حتى فقد يماه
    مسح على راسو و بدا تحسب = في كل شعرة أجر تلقاه
    و الفقير للي ما كسب = و لي ما لحق حتى قوت عشاه
    واش راك تاكل واش راك تشرب = يالوكان خبزة اقسمها معاه
    و زيد و زيد و لوكان نحسب = ما نيش رايح نحبس لله
    يا لي مبحر شرق و غرب = و مخلي كلشي موراه
    و يا لي سألتني عن الحب = بالنسبة لي هذا معناه
    و إذا ما عجبكش الله غالب = روح تحوس وين تلقاه[/poem]

    بانتطار ردودكم و السلام

  2. #2

    نائب المشرف العام


    تاريخ التسجيل
    Oct 2006
    المشاركات
    4,058

    افتراضي

    مؤكد أنه عندما يكون الشعر هادفا ، بأسلوب واضح وجميل لا شك أنه سيحدث اثرا ايجابيا

    والأكيد أن الحب مفهوم من ضيقه ضاق صدره وتعب قلبه
    ومن وسعه انشرح صدره وارتاح قلبه

    خليدة :cupidarrow:

    شاكرة لك هذه الاطلالة على الأوراق الأدبية
    كانت مفيدة ، بارك الله فيك

  3. #3
    شاعر
    تاريخ التسجيل
    May 2006
    الدولة
    العاصمة
    المشاركات
    782

    افتراضي

    السلام عليكم ورحمة الله


    بارك الله فيك الأخت الكريمة على النقل الطيب لهذه القصيدة الجميلة لصاحبها فيصل الذي لم تكن لي فرصة الالتقاء به لكني سمعت عنه أشياء طيبة.

    ماشدني في الموضوع أن تصير إذاعاتنا تبث مثل هذا الكلام وكذا جرأة هذا الشاب في زمان صار الذي يتكلم فيه عن الفضيلة يستحي أو يمنع وقد حدث معي من ضغوط للقص من القصائد أو منع التي تتكلم عن الحجاب مثلا في الحصص الإذاعية التي دعيت إليها.

    موفقة ومشكورة
    ليست الألقاب التي تكسب الناس مجدا، وإنما الناس الذين يكسبونها هذا المجد

  4. #4
    نجم لامع
    تاريخ التسجيل
    Nov 2006
    الدولة
    Boumerdes
    المشاركات
    209

    افتراضي

    اقتباس المشاركة الأصلية كتبت بواسطة مولود [عزيزى الزائر لايمكنك مشاهده الروابط الا بعد التسجيلللتسجيل اضغط هنا]
    السلام عليكم ورحمة الله


    بارك الله فيك الأخت الكريمة على النقل الطيب لهذه القصيدة الجميلة لصاحبها فيصل الذي لم تكن لي فرصة الالتقاء به لكني سمعت عنه أشياء طيبة.

    ماشدني في الموضوع أن تصير إذاعاتنا تبث مثل هذا الكلام وكذا جرأة هذا الشاب في زمان صار الذي يتكلم فيه عن الفضيلة يستحي أو يمنع وقد حدث معي من ضغوط للقص من القصائد أو منع التي تتكلم عن الحجاب مثلا في الحصص الإذاعية التي دعيت إليها.

    موفقة ومشكورة
    صدفت أخي ،أنا أيضا استغربت كيف سمح لمتل هده القصائد الهادفة أن تصل إلى الجمهور خاصة في إداعة لا تسوق إلا للأغاني الهابطة ، و قصائد فيصل كرشوش فعلا مميزة في مواضيعها و ما زادها تألقا أنها مستوحاة من قصص واقعية عاشها إخواننا ،حاولت أن أضع القصائد بصيغة صوتية لتجدب الجمهور أكثر لكنها لم تتوفر لدي و نتمنى أن يكون فيصل يوما ما بيننا في المنتدى ليلتم شمل الشعراء المبدعين
    شكرا على المرور أخي و نتمنى لك أنت أيضا أأن تجد المنبر الدي توصل منه شعرك لمحبيه

  5. #5
    نجم جديد
    تاريخ التسجيل
    Apr 2014
    المشاركات
    1

    افتراضي

    السلام عليكم كيف يمكنني ايجاد فيديو لفيصل كرشوش الغدر

  6. #6

    افتراضي قصيدة جزائرية:هكدا فهمت الحب

    القصيدة جميلة وتعبر عن واقع معيش لا مفر منه....لكن الأرواح جنود مجندة ما تعارف منها إإ تلف وما تنافر إختلف....على كل هي القصيدة مرآة عاكسة لوضع من الأوضاع هو موجود فعلا في مجتمعاتنا ولا سبيل للتنصل أو الهروب من هذا.

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. هكدا هي الدنيا.....
    بواسطة هدية الرحمن في المنتدى :: صيد الشبكة ::
    مشاركات: 2
    آخر مشاركة: 04-11-2009, 07:09 PM
  2. هكذا بدا الحب قصته ( افضل قصة قصيرة في الحب )
    بواسطة ريتاج في المنتدى :: أوراق أدبــيــة ::
    مشاركات: 5
    آخر مشاركة: 11-01-2007, 11:49 PM
  3. خذ من كل شيء شيء ومن شيء كل شيء..فهمت شيء؟؟؟؟
    بواسطة تقوى في المنتدى :: صيد الشبكة ::
    مشاركات: 9
    آخر مشاركة: 06-22-2007, 11:07 AM
  4. ~|~|~قصيدة بمناسبة عيد الحب~|~|~
    بواسطة hamza_dz في المنتدى :: أوراق أدبــيــة ::
    مشاركات: 8
    آخر مشاركة: 02-17-2007, 02:11 AM

الكلمات الدلالية لهذا الموضوع

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •